1. Општи информации

Локалната акциска група ЛАГ Агро Лидер објавува јавен повик за ангажирање на обучувач/ка за циркуларна економија и зелени бизнис модели за спроведување обука во рамки на проект за развој на младински еко-социјални претпријатија, во рамки на проект „Младински зелени социјални претпријатија – нова енергија за руралниот развој“ насочен кон јакнење на економските можности на младите од руралните средини и развој на еко-социјални претпријатија во општините Долнени и Крушево, финансиран од Европската Унија преку проектот ‘RAISE CSOs - Резилиентни и инклузивни патеки за социјално претприемништво за младите преку градење капацитети на локални граѓански организации во Северна Македонија’ имплементиран од страна на Младински Сојуз – Крушево во соработка со НОВУС и Паблик, со поддршката на ЕУ за граѓанското општество и медиумските организации во Република Северна Македонија, ИПА програма за граѓанско општество 2022-2023

Проектот има за цел да воспостави основи за младински социјални претпријатија за заштита на животна средина, кое ќе обезбеди економска одржливост и можности за вработување, да придонесе до заштита на животна средина, управување со органскиот отпад во руралните средини, компостирање како потенцијален социјален бизнис, како и социо-економска интеграција на младите во пазарот на труд; Да се создаде младинска земјоделска задруга како инкубатор за зелени идеи за заштита на животна средина и одржливи рурални заедници, примена на нови методи во земјоделството и еко-бизнисите; Градење на капацитети и подигање на свеста кај младите од руралните средини за социјално претприемништво, циркуларна економија и заштита на животна средина, особено на ранливи категории како жени, NEETs и долгорочно невработени лица, преку развој на социјално претприемништво.

2. Цел на ангажманот

Целта на ангажманот е ангажирање на обучувач/ка со експертиза во циркуларна економија и зелени бизнис модели, кој/а ќе спроведе практична обука за млади од рурални средини (15–29 години), со цел:

• зголемување на нивното знаење за циркуларната економија;
• развој на зелени и еко-социјални бизнис идеи;
• примена на циркуларни решенија во управување со органски отпад и земјоделство

3. Опис на задачите

Избраниот/ата обучувач/ка ќе биде одговорен/а за:

• Подготовка на програма и наставни материјали за еднодневна тематска обука;
• Спроведување на обука која ќе ги опфати:
  • основните принципи на циркуларната економија;
  • разликата помеѓу линеарни и циркуларни економски модели;
  • управување со органски и биоразградлив отпад како економска можност;
  • компостирање и повторна употреба на земјоделски остатоци;
  • зелени бизнис модели и еко-социјални претпријатија;
  • поврзаност со Зелената агенда за Западен Балкан и ЕУ политики;
• Фасилитирање на практична работа во групи за развој на почетни зелени бизнис идеи;
• Поддршка на учесниците во подготовка на иницијални бизнис канваси;
• Примена на партиципативни и инклузивни методи на работа, прилагодени за млади од рурални средини.

4. Целна група на обуката

Обуката е наменета за:

• млади лица од руралните средини (15–29 години);
• NEETs;
• жени од рурални средини;
• долгорочно невработени млади лица.

Очекуван број на директни учесници: минимум 10 лица.

5. Потребни квалификации и искуство

Кандидатите треба да ги исполнуваат следните услови:

• Високо образование во областа на животна средина, земјоделство, одржлив развој или сродни области;
• Минимум 3 години професионално искуство во циркуларна економија, зелени бизниси или еко-проекти;
• Докажано искуство во спроведување обуки или работилници;
• Познавање на ЕУ зелени политики и Зелената агенда за Западен Балкан;
• Искуство во работа со млади и/или рурални заедници ќе се смета за предност.

6. Времетраење и локација

• Времетраење на ангажманот: краткорочен ангажман (подготовка + 1 ден обука);
• Локација: Крушево;

7. Начин на аплицирање

Заинтересираните кандидати треба да достават:

• Кратка биографија (CV);
• Мотивациско писмо со опис на релевантно искуство;

Само целосни апликации ќе бидат разгледани.

8. Критериуми за избор

Изборот ќе се врши врз основа на:

• релевантно искуство и експертиза;
• искуство во работа со млади и рурални заедници;

9. Рок и начин на доставување на понуди

Понудите треба да се достават електронски на:

Е- пошта: lagagrolider@gmail.com

Со назнака: „Обучувач/ка за циркуларна економија и зелени бизнис модели “

или

Во просториите на ЛАГ Агро Лидер, секој работен ден од 8.00 до 16.00 часот

Краен рок за поднесување: 07.02.2026

Апликации поднесени по истекот на рокот нема да се разгледуваат.

10. Напомена

ЛАГ Агро Лидер го задржува правото:

• да побара дополнителна документација или појаснување
• да организира интервју со подносителите,
• да не избере ниту еден понудувач доколку не ги исполнува критериумите,
• да го поништи повикот поради административни или проектни причини