Проект на Лаг Агро Лидер, „Mлади женски гласови на балканската рурална поезија“, чија главна цел е промовирање на активни млади авторки од руралните области од Балканот и зајакнување на младите од руралните средини преку позитивни приказни, прифатен за суб-грантирање во рамките на проектот „Регионална мрежа за културна разновидност“, финансиран од Европската Унија.
Како дел од поддршката обезбедена за реализација на повеќејазични проекти, Лаг Агро Лидер со задоволство ќе започне со промоција на млади талентирани авторки од соседните земји. Овој пат, следејќи ги нашите програмски цели и мисии, избравме да ја преведеме и промовираме на македонски јазик храбрата и бескомпромисна порака на младата српска поетеса Радмила Петровиќ, за која руралноста и младоста се доминантни теми.
Песните на Петровиќ се инспирирани од растењето и влегувањето во светот на возрасните од изолирано место. Тие на многу автентичен и искрен начин зборуваат за проблемите, предизвиците и желбите со кои се соочуваат младите од малите, претежно рурални области. Објавување и промовирање на авторка, којашто веќе е наречена следниот моќен глас во српската модерна поезија, несомнено може да влијае на многу млади луѓе во регионот, земајќи ги во предвид темите за коишто пишува авторката. Сеопфатната промоција и дистрибуција на книгата, придружена со креативни и критички разговори, несомнено ќе стигне во многу делови на земјата и ќе инспирира млади девојки и момчиња да ги следат своите соништа.
„Мајка ми знае што се случува во градовите“ од Радмила Петровиќ, издадена од ППМ Енклава (2020), стана една од најкоментираните книги во Србија. Претходно, Петровиќ освои широката публика преку Фејсбук и предизвика љубопитност за поезијата дури и кај оние кои воопшто по неа не посегнуваат. Иако книгата флертува со женски теми за подреденост, таа сепак останува во хоризонтот на очекувањата на српската поетска сцена и родовата распределба на моќта.
Користејќи го слоганот за панкот, можеме да парафразираме дека за Петровиќ „селото не е мртво!“.