1. Општи информации

Локалната акциска група ЛАГ Агро Лидер објавува јавен повик за ангажирање на обучувач/ка за социјално претприемништво и правни аспекти, во рамки на проект „Младински зелени социјални претпријатија – нова енергија за руралниот развој“ насочен кон јакнење на економските можности на младите од руралните средини и развој на еко-социјални претпријатија во општините Долнени и Крушево, финансиран од Европската Унија преку проектот ‘RAISE CSOs - Резилиентни и инклузивни патеки за социјално претприемништво за младите преку градење капацитети на локални граѓански организации во Северна Македонија’ имплементиран од страна на Младински Сојуз – Крушево во соработка со НОВУС и Паблик, со поддршката на ЕУ за граѓанското општество и медиумските организации во Република Северна Македонија, ИПА програма за граѓанско општество 2022-2023.

Проектот има за цел да воспостави основи за младински социјални претпријатија за заштита на животна средина, кое ќе обезбеди економска одржливост и можности за вработување, да придонесе до заштита на животна средина, управување со органскиот отпад во руралните средини, компостирање како потенцијален социјален бизнис, како и социо-економска интеграција на младите во пазарот на труд; Да се создаде младинска земјоделска задруга како инкубатор за зелени идеи за заштита на животна средина и одржливи рурални заедници, примена на нови методи во земјоделството и еко-бизнисите; Градење на капацитети и подигање на свеста кај младите од руралните средини за социјално претприемништво, циркуларна економија и заштита на животна средина, особено на ранливи категории како жени, NEETs и долгорочно невработени лица, преку развој на социјално претприемништво.

2. Цел на ангажманот

Целта на ангажманот е обезбедување стручна и практична обука за млади лица (15–29 години) од руралните средини, со фокус на:

• разбирање на концептот на социјално претприемништво,
• примена на социјални бизнис модели во областа на заштита на животната средина,
• запознавање со релевантната правна рамка за основање и функционирање на социјални претпријатија и задруги во Северна Македонија.

3. Опис на задачите

Избраниот/ата обучувач/ка ќе биде одговорен/а за:

• Подготовка и реализација на еднодневна интерактивна обука за социјално претприемништво;
• Презентација на:
  • основи и принципи на социјално претприемништво;
  • улогата на социјалните претпријатија во социо-економска интеграција на младите;
  • примери на добри практики (национални и регионални);
• Запознавање на учесниците со:
  • постојната правна рамка (здруженија, фондации, задруги, земјоделски задруги, социјални бизниси);
  • можности и ограничувања во актуелниот законодавен контекст;
• Поддршка на младите во развој на иницијални бизнис идеи и канваси за еко-социјални претпријатија;
• Применување на партиципативни и практични методи на работа (работа во групи, студии на случај, дискусии).

4. Целна група на обуката

Обуката е наменета за:

• млади лица од руралните средини (15–29 години);
• NEETs;
• жени од рурални средини;
• долгорочно невработени млади лица.

Очекуван број на директни учесници: минимум 10 лица.

5. Потребни квалификации и искуство

Кандидатите треба да ги исполнуваат следните услови:

• Високо образование во областа на економија, претприемништво и останати општестевени науки ;
• Минимум 3 години релевантно професионално искуство во областа на социјално претприемништво, развој на бизниси, работа со граѓански организации или правно советување;
• Докажано искуство во спроведување на обуки и работа со млади или ранливи групи;
• Познавање на националната правна рамка поврзана со здруженија, задруги и социјални претпријатија;
• Одлични комуникациски и фасилитаторски вештини.

Предност ќе имаат кандидати со искуство во:

• еко-социјални бизниси;
• работа во рурални средини;
• ЕУ и донаторски проекти.

6. Времетраење и локација

• Времетраење на ангажманот: краткорочен ангажман (подготовка + 1 ден обука);
• Локација: Крушево;

7. Начин на аплицирање

Заинтересираните кандидати треба да достават:

• Кратка биографија (CV);
• Мотивациско писмо со опис на релевантно искуство;

Само целосни апликации ќе бидат разгледани.

8. Критериуми за избор

Изборот ќе се врши врз основа на:

• релевантно искуство и експертиза;
• искуство во работа со млади и рурални заедници;

9. Рок и начин на доставување на понуди

Понудите треба да се достават електронски на:

Е- пошта: lagagrolider@gmail.com

Со назнака: „Обучувач/ка за социјално претприемништво и правни аспекти “

или

Во просториите на ЛАГ Агро Лидер, секој работен ден од 8.00 до 16.00 часот

Краен рок за поднесување: 07.02.2026

Апликации поднесени по истекот на рокот нема да се разгледуваат.

10. Напомена

ЛАГ Агро Лидер го задржува правото:

• да побара дополнителна документација или појаснување
• да организира интервју со подносителите,
• да не избере ниту еден понудувач доколку не ги исполнува критериумите,
• да го поништи повикот поради административни или проектни причини